გაკვეთილის ორგანიზება: დაგეგმვა - მომზადება - წარმართვა - შეფასება

გაკვეთილის გეგმა

1.	გაკვეთილის თემა	პირველი ნაბიჯები გ   ასო-ბგერის სწავლება
2.	სწავლების საფეხური	დაწყებითი საფეხური, I კლასი
3.	ინტგრირებული საგანი საგანი მასწავლებლის სახელი	ქართული, როგორც მეორე ენა ქეთევან ნასყიდაშვილი
4.	მოსწავლეთა პროფილი	21  მოსწავლე; 1 მოსწავლე  არის სპეციალური  საგანმანათებლო საჭიროების მქონე (მეტყველების პრობლემით, სამედიცინო დასკვნის საფუძველზე სწავლობს მხოლოდ მშობლიურ ენას.)
5.	გაკვეთილის მნიშვნელობა/ აქტუალობა	·       მოსწავლე შეძლებს ახალი ლექსიკური ერთეულების შესწავლას, ახალი ასო-ბგერის მართლგამოთქმას, შესწავლას, მის ამოცნობას, შესაბამისად, ახალი ლექსიკური ერთეულების წაკითხვას.
6.	გაკვეთილის მიზნები	·    ნასწავლი ლექსიკის გამეორება; ·    შესასწავლი ახალი ასო–ბგერის ამოცნობა; ·    ნასწავლ  ლექსიკაში შესასწავლი ასო–ბგერის ამოცნობა; ·    ასო-ბგერითი მიმართების გაცნობიერება; ·    ინტერაქცია სურათებსა და წარწერებზე  დაყრდნობით; ·    მთლიანი სიტყვების კითხვა; ·    ელექტრონული სავარჯიშოების შესრულება  ბუკებში.
7.	ეროვნული სასწავლო გეგმით მისაღწევი შედეგები და ინდიკატორები	ქ.მ.I.6. მოსწავლეს გამომუშავებული აქვს ელემენტარული ფონოლოგიური უნარ-ჩვევები. ·           მასწავლებლის მიერ ჩამოთვლილ სიტყვებში ამოიცნობს წინასწარ მითითებული ბგერით დაწყებულ სიტყვებს; ·           სიტყვას შლის ბგერებად, ბგერებს აერთიანებს სიტყვებად. ქ.მ.I.7. მოსწავლეს  შეუძლია ქართულის, როგორც მეორე ენის ბგერების,             ჟღერადობების,  ინტონაციების აღქმა, მიბაძვა-გამეორება.      შედეგი თვალსაჩინოა, თუ მოსწავლე: ზეპირად კითხულობს ლექსებს, გათვლებს, ასრულებს სიმღერებს;  ლექსის/სიმღერის შინაარსს ადეკვატურად უსადაგებს არავერბალურ მეტყველებას (ინტონაციას, მიმიკას, ჟესტიკულაციას, რიტმულ მოძრაობებს); იმეორებს მასწავლებლის მიერ წარმოთქმულ ბგერებს, სიტყვებს, მოკლე ფრაზებს, ენის გასატეხებს; ცდილობს სწორად და გარკვევით წარმოთქვას ნაცნობი სიტყვები, ფრაზები, ენის გასატეხები; ტექსტის წარმოთქმისას იცავს შესაბამის ინტონაციებს, მახვილებს, რიტმულ სეგმენტებს. ქ.მ. I.14.  მოსწავლეს შეუძლია ნაწერიდან ან ნაბეჭდიდან სიტყვების, ასოების გადაწერა             (გადახატვა).     შედეგი თვალსაჩინოა, თუ მოსწავლე: ·         მასწავლებლის დახმარებით გადმოწერს დაფაზე დაწერილ იმ სიტყვას/სიტყვებს, რომელთა ორთოგრაფიულ ხატსაც ცნობს და მიუხატავს შესაბამის ილუსტრაციას; ·         აკვირდება ასოს ფორმას, ადარებს რაიმე ნაცნობ ფორმას ან საგანს; ·         ხელის მოძრაობით, ზონარით, პლასტელინით გამოსახავს ნაცნობი ასოს ფორმას; ·         გამოწერს ანბანის ზოგიერთ ასოს.
8.	წინასწარი ცოდნა	·      მოსწავლეებს აქვთ გარკვეული ლექსიკური მარაგი; ·      შესწავლილი აქვთ ორი ასო (ა, ი); ·      გამოცდილება: მოცემულ ასოზე სიტყვების დასახელება; ·      გამომუშავებული აქვს წერის ელემენტარული უნარი ხელის მოძრაობით, ზონარით, პლასტელინით გამოსახოს ნაცნობი ასოს ფორმა; ·      ნაბეჭდიდან სიტყვების, ასოების გადაწერა; ·       შეუძლით ბუკის ჩართვა, მასწავლებლის მითითებების შესრულება.
9.	შეფასების საგანი და პროცედურები	· განმავითარებელი შეფასება. · მოსწავლეებს შევაფასებთ შეფასების რუბრიკის მიხედვით.
10.	სასწავლო მასალა და ტექნიკური რესურსები	ქართული ენა - I კლასის სახელმძღვანელო,  მაია მელიქიძისა და ნინო გორდელაძის ავტორობით, I დონე;  მოსწავლის რვეული, ბუკი, ჩემს მიერ მომზადებული ელექტრონული რესურსები, კალამი, ფერადი ფანქრები, სურათები, ნახატები, სათამაშოები
11.	გაკვეთილის მსვლელობა/ საკლასო მენეჯმენტი	·      გაკვეთილის ხანგრძლივობა 35  წთ; ·      გაკვეთილის დაწყებიდან 15 წთ-ის შემდეგ ფიზიკური აქტივობა - 4 წთ. ·      მოსწავლეებს ვამუშავებ ბუკებში - ვისწავლოთ ქართული -1 (საგანმანათლებლო რესურსი) A ფაზა - 8 წთ. ·      კლასის ორგანიზება ·      მოსწავლეთა ცოდნის შემოწმება - წინა მასალის გახსენება აქტივობა 1. o  ნასწავლი ლექსიკური ერთეულების გამეორება (ლექსიკური ერთეულები: გოგო, გოგრა, გული, გია, გუგული, გალია, გასაღები, გედი, გვირილა, გემი, გირი, გალია); o  ფოტოგრაფიული კითხვა: მუშაობა ბარათებზე და ბუკებში - სავარჯიშო  N1 - მოსწავლეები ამოიცნობენ და დაასახელებენ  დაწერილ სიტყვებს. o  კითხვების დასმა სურათზე დაყრდნობით: რა არის? რამდენია? რა ფერისაა? დიდია თუ პატარა? o  სავარჯიშო N 2  სურათები  უნდა დაუკავშირონ  წარწერებს; B ფ აზა -15 წთ.  აქტივობა 2 სავარჯიშო N 3;  მოსწავლეები აკვირდებიან გრაფაში ჩაწერილ                         სიტყვებს და ასრულებენ მასწავლებლის მითითებებს: Ø  ამოიცანი რა წერია ? Ø  რომელი ასოები იცით? (ი, ა) Ø  ი– ასო  გააფერადეთ  მწვანედ; Ø  ა –ასო გააფერადეთ  ლურჯად; Ø  რა წერია  პირველ სვეტში?    (გია) Ø  რა ფერისაა  გ  ასო ? (წითელი) Ø   რამდენი   გ  ასო გვხვდება ამ დავალებაში? (10) სავარჯიშო N4  მოცემულ ელექტრონულ რესურში უნდა                                           გააფერადონ გ ასო(ენის გასატეხი) აქტივობა N3. მიზანი:  ხელის მოტორიკის განვითარება: Ø ხელის მოძრაობით შემოვხაზავთ  გ ასოს: Ø ზონარის საშუალებით დავწეროთ  გ ასო;   სავარჯიშო  N5. Ø  ბუკებში გააფერადეთ მოცემული სურათები და   გადმოწერეთ რა არის; აქტივობა N4 ·      ვარჯიში  შესწავლილი ასო-ბგერის  მართლწარმოთქმაზე, ენის გასატეხი:                        გუგუ-გუგუ! გუგულმა                        გულჭრელათა გვარისამ,                        გამარჯობა გვისურვა,                        გული გაგვიხალისა.                            (წარმოვთქვათ სწორად და შესაბამისი ინტონაციით) C ფაზა - 8 წთ. ·      შესწავლილი მასალის განმტკიცება - აქტივობა N5 -  დაასახელეთ სიტყვები, სადაც გვხვდება                       შესწავლილი ასო-ბგერა - გ  ·      მუშაობა ბუკებში - მოსწავლეებს ვამუშავებ ბუკებში - ვისწავლოთ ქართული -1 (საგანმანათლებლო რესურსი) ვასრულებთ გ-ასო-ბგერასთან დაკავშირებულსავარჯიშოებს. ·      გაკვეთილის შედეგების შეჯამება ·      მოსწავლეთა შეფასება ·      საშინაო დავალების მიცემა
შენიშვნა: ·      გაკვეთილის ხანგრძლივობაა  - 35  წთ; ·      გაკვეთილის დამთავრების ზარი სკოლაში ირეკება 10 წუთის შემდეგ (საგაკვეთილო დროის - 45 წუთის მიხედვით); ·      აღნიშნული 10 წუთის განმავლობაში პირველკლასელები იმყოფებიან საკლასო ოთახში და ისვენებენ - სურვილისამებრ მუშაობენ ბუკებში; მოსწავლეებს ვთავაზობთ სხვადასხვა ტიპის აქტივობებს, მოცემულ შემთხვევაში ვთავაზობთ ლოტოს ელექტრონულ ფორმატში - იხ. სავარჯიშო N6  - ლოტო

თვითშეფასება   -  გაკვეთილის დასრულების შემდეგ, საკუთარი პროფესიული ზრდის მიზნით მოვახდენ თვითშეფასებას წინასწარ მომზადებული სქემის მიხედვით.

              

                       სასწავლო ელექტრონული რესურსები 

სასწავლო რესურსი - 1
სასწავლო რესურსი - 2
სასწავლო რესურსი - 3
სასწავლო რესურსი - 4

ვიდეომასალა: 

 

 

შეფასების რუბრიკა

კრიტერიუმები	დაბალი	საშუალო	მაღალი
წინარე  ცოდნა  - გაკვეთილის თემასთან დაკავშირებით ლექსიკური ერთეულების ცოდნა	არა საკმარისი	საკმარისი	კარგი
ფოტოგრაფიული კითხვა	არ შეუძლია,  თუმცა ცდილობს ამოცნობას და დაკავშირებას	ნაწილობრივ შეუძლია	შუძლია დამოუკიდებლად ნახატის ნაწერთან დაკავშირება
ახალი  შესწავლილი  მასალის გააზრება  - გ-ასოს ამოცნობა და წარმოთქმა	არა საკმარისი	საკმარისი	კარგი
ასრულებს მასწავლებლის მიერ მიცემულ ინსტრუქციებს	ვერ ასრულებს	ასრულებს მასწავლებლის დახმარებით	ესმის და ასრულებს დამოუკიდებლად
კომპიუტერული  უნარ-ჩვევები	არ აქვს გამომუშავებული	ნაწილობრივ აქვს გამომუშავებული	კარგად აქვს გამომუშავებული

გაკვეთილზე:

• ფოტომასალა
•  
• ვიდეომასალა

თვითშეფასების სქემის ნიმუში:

№	შეკითხვები	დიახ	არა
1.	გასაგებად ვსაუბრობ თუ არა	√
2.	ემოციურია თუ არა ჩემი საუბარი	√
3.	კითხვებზე პასუხის გასაცემად მოსწავლეებს ვაძლევ მოფიქრებისათვის დროს	√
4.	ვიყენებ ჩემს მიერ მომზადებულ ელექტრონულ რესურსებს	√
5.	ვიყენებ საგანმანათლებლო-კომპიუტერულ თამაშებს	√
6.	შეფასების რუბრიკა გაკვეთილის დაწყებსთანავე არის თუ არა ცნობილი მოსწავლეებისთვის	√

· გაკვეთილის გეგმა:

                                           შესრულდა     √                  შეიცვალა   

· მიღწეულია თუ არა გაკვეთილის მიზნები?

                   დიახ   √                              არა                               ნაწილობრივ      

·         რამდენად შემიწყო ხელი ისტ-ის გამოყენებამ საგაკვეთილო  მიზნის მიღწევაში?

გაკვეთილზე ისტ-ის გამოყენებით:

• მოსწავლეებისათვის მუშაობა იყო საინტერესო; ბუკში მომზადებული თვალსაჩინოებები მოსწავლეებისათვის იყო სახალისო;
• მოსწავლებმა უფრო სწრაფად შეისწავლეს ახალი მასალა - არაქართველ მოსწავლეებს უმოკლეს დროში განუვითარდათ ფოტოგრაფიული კითხვის უნარი;
• გაკვეთილის ბოლომდე მოსწავლეები აქტიურები იყვნენ;
• მოსწავლეებისათვის დამატებითი დრო (10 წუთი) იყო სახალისო და მიზანმიმართული;
• ბუკში არსებული საგანმანათლებლო თამაშების გამოყენებით მოსწავლეებმა ხალისით შეისწავლეს ახალი სიტყვები და გაიმდიდრეს ლექსიკური მარაგი.

·         ჩემი გაკვეთილის ძლიერი მხარე

•  გაკვეთილის მიზანი მიღწეულია;
•  კლასში განმტკიცებული იყო დისციპლინა, გაკვეთილისთვის კლასი იყო მობილიზებული და ორგანიზებული, მოსწავლეები იცავდნენ ქცევის წესებს;
• გაკვეთილზე აქტიურად გამოვიყენე ბუკები. მოსწავლეებმა შეასრულეს ჩემს მიერ მომზადებული სავარჯიშოები ელექტრონულ ფორმატში;
• მოსწავლეები ვამუშავე სხვადასხვა კიმპიუტერულ პროგარამაში (Word-ში, PowerPoin-ში, Paint-ში)
• მოსწავლეებს შეუძლიათ კითხვებზე პასუხის გაცემა ქართულ ენაზე.

·         რას შევცვლიდი  ხელახლა  რომ  ჩავატარო ეს გაკვეთილი

•  გავაუმჯობესებდი სასწავლო გარემოს - გამართული  ლოკალური ქსელის პირობებში გამოვიყენებდი სწავლების ელექტრონულ პროგრამას - გაკვეთილის მართვას - Classroom Management-ს (შიდა ქსელის გამართვის შემთხვევაში) და 21 მოსწავლესთან ვიმუშავებდი ფლეშის გარეშე, არ დამჭირდებოდა გაკვეთილის დაწყებამდე დამატებითი დრო ელექტრონული რესურსების მოსწავლეთა ბუკებში ჩასაწერად.
•  სასურველია, არაქართულენოვანი სკოლების ქართული ენის მასწავლებლებსაც გვქონდეს ბუკები, რათა ყოველდღიურად, დაუბრკოლებლად შევძლოთ ელექტრონული რესურსების მომზადება,  ბუკების უფრო მიზნობრივად და აქტიურად გამოყენება.